سگریٹ نوشی سے مرتب ہونے والے اثرات اور ان کے نقصانات
سگریٹ نوشی کرنے والے افراد میں امراض قلب، فالج اور پھیپھڑوں کے کینسر کا خطرہ اس سے دور رہنے والوں کے مقابلے میں زیادہ ہوتا ہے۔
سگریٹ نوشی کی عادت دل اور پھیپھڑوں کے لیے تو شدید نقصان دہ ہے ہی دوسری جانب تمباکو نوشی کا ایک نقصان جلد پر مرتب ہونے والے متعدد اثرات بھی ہیں، جن سے بیشتر افراد نا واقف ہیں۔
طبی ماہرین کے مطابق تمباکو نوشی کے نتیجے میں جلد میں خون کی روانی کم ہوجاتی ہے جس سے جلد کو ضروری آکسیجن اور غذائیت نہیں مل پاتی ایسے میں نقصان دہ فری ریڈیکلز سے جلد کونقصان پہنچتا ہے۔
تمباکو نوش افراد میں جلد کے کینسر کا خطرہ اس عادت سے دور رہنے والوں کے مقابلے میں زیادہ ہوتا ہے۔
سورج کی روشنی میں موجود یو وی لائٹ تمباکو نوشی کے عادی افراد کی جلد کو زیادہ نقصان پہنچاتی ہے، سیگریٹ پینے سے منہ کے کینسر کا خطرہ بھی بڑھ جاتا ہے۔
چہرے کی جلد حسین بنانے کا آسان طریقہ
صرف یہی نہیں بلکہ سیگریٹ نوشی سے مدافعتی ردعمل بھی گھٹ جاتا ہے جبکہ جلد کے لیے ضروری کولیگن اور الیسٹن کو نقصان پہنچتا ہے جس سے جلد کی لچک اور ساخت کو نقصان پہنچتا ہے۔
سگریٹ نوشی کے جلد پر مرتب ہونے والے چند بڑے اثرات میں بڑھاپے کا جلد ظاہر ہونا، چہرے پر جھائیاں نمایاں ہونا،جلد کی رنگت متاثر ہونااور ہونٹ کالے ہوجانا شامل ہے۔
جلدبڑھاپا
سیگریٹ پینا بڑھاپے کے عمل کو تیز کردیتا ہےکیونکہ اس کےدھوئیں سے تکسیدی تناؤ پیدا ہوتا ہے جو کولیگن کے بننے کے عمل کو ن صرف متاثر کرتا ہے بلکہ اس کے ٹکڑے کرنے لگتا ہے۔
ماہرین کے مطابق تمباکو نوشی سے جلد سورج کی روشنی میں موجود شعاعوں کے حوالے سے زیادہ حساس ہوجاتی ہے، دوران خون اور الیسٹن گھٹ جاتا ہے۔
الیسٹن اور کولیگن کی سطح میں کمی سے جلد لٹکنے لگتی ہے کیونکہ یہ دونوں جلد کی ساخت اور لچک کو برقرار رکھنے میں مدد دیتے ہیں۔
جھریاں نمایاں ہوجانا
تمباکو نوشی کرنے والے افراد کے چہرے پر جھریوں کا امکان بہت زیادہ ہوتا ہے جن کو اسموکرز لائنز بھی کہا جاتا ہے، جس کی وجہ سگریٹ پینے کے دوران ہونٹوں کے مسلز کی حرکت ہوتی ہے۔
ایسا بار بار کرنا فائن لائنز اور جھریوں کو اس حصے میں تیزی سے نمودار کرتا ہے۔
ماہرین کے مطابق دھوئیں میں موجود نکوٹین سے خون کی شریانیں سکڑتی ہیں اور جلد کو آکسیجن اور غذائیت کی کمی کا سامنا ہوتا ہے۔ اس کے نتیجے میں بہت تیزی سے گہری جھریاں اور فائن لائنز نمودار ہوتی ہیں۔
جلد کی رنگت متاثر ہونا
اگر آپ تمباکو نوش ہیں تو چہرے کی جلد ہموار اور رنگت صاف رکھنا بہت مشکل ثابت ہوسکتا ہے۔
سگریٹ نوشی کے نتیجے میں خون کی روانی متاثر ہوتی ہے جس کے نتیجے میں جلد پر سب سے زیادہ اثرات مرتب ہوتے ہیں، جس سے رنگت اڑنے، نشان بننے وغیرہ کے مسائل سامنے آتے ہیں۔
ہونٹ کالے ہونا
سگریٹ کو ہونٹوں میں دبا کر دھواں کھینچنا ہونٹوں کی رنگت بھی بدل دیتا ہے۔
ماہرین کے مطابق سگریٹ میں موجود حرارت سے ہونٹوں کی رنگت میں تبدیلی آتی ہے جبکہ وہ خشک اور کھردرے بھی ہوجاتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News